Laman

Loibi Chingmai Thannaba Khonthang Yeina Menglaba Khonjelda Thawailakpi Koubi Chekla Khonjelna Khunja Khudingbu Yakairo Haina Houdoklari. Nongallamdaida Khikkhiba Nonglik sing Aduna Ingthahallaba Nungshitna Ahoba Saijindagi Sitchillakpada Phamungda Tumduna Leiriba Haokhomang bu Hougatlo Haina Amukasu Houdoklare.

"Ash! Asuk Kuiba Lan Asida Eigi Tamgi Etao Loya di Kari-Kari Charaga Hinglamgerako? Madi Chinggi Pan-Mairen Yamna Pambanene, Kadaidagi Charamgadrako?" Hipna-hipna Haokhomanggi Wakhal da Matao bu Ningsinglakhi.

"Ei Etao gi Pan-Mairen Heklaga Ngasimak Thinbirudaba Yade."  Asumna murum-murum sonduna phuk hougatlaga Nengneivah bu kouraduna, " Ngainu, ei Pam da Chatke Pan-Mairen Heklaga Tamgi Etao Loya gi manakta Thibige"
Phuga da Cha Lolliba Nengneivah na Mei hounaba Nungshit Kamna Kamna, "Nangbu Ngaorabo Beilhem, Lan Maraksida Karamna Tam da Chattoino?"
"Lan Oibagine Eina Thilludoise, Natradi Ma Kouraga Pamda Chatminabasu Yaidana"
"Hoi-hoi Ado Cheksinna Chatluko, Nanggi Kidaba, Meebu Loina Phana Khanbadu Touganu." Asumna Haiduna Sing Semlingei, Haokhoimangdi, "Hoi-hoi" Haina Haina Mapallomda Thokhre.
"Ehe! Eidi Ekaobu Kaowine, Etaodo Magi Lougi Lousangda Laknaba Phone Toukhige. Etao gi Number Dubu..." Asumna Magi Phuritkhaodagi Phone Louthoktuna Matao Loya da Phone Tourami.
"Etao Mang Keidoure, Karam-Karam Pallige Nangbu"
Maithong Maka Laamna Nokphet Touraduna Haokhomang na "Nungairiye Etao".
Thangnaba Mitkupta Mitlu Eera Chelladuna "Etaona Tamda, Eina Chingda, Tokhai-tokhai Leinabase, Eigi Thawaise Yamna Nungaitabanene Etao."
"Adunine Etao, Achouba Singna Yanadraga Eikhoibu Kayada Walhallaba, Praja Eikhoina Nungshinarabada, Kayam Kuina Touba Ngamgani Haige Makhoigi Lando"
"Hoine Etao, Ado Eigi Pamlou dagi Etao gi Pan-Mairen Hekpibane Etao gi Lousangda Lakpiyo Aduda Eisu Purakke."
"Ehe! Aduk Wana Hekludrasu Yabadubu, Hoi Etao Eisu Ingkholdagi Mana-Masing Mayam Hekpiramge"
Nik-Nik Laona Louri Chonna Thallaba Laija Esingda gi Emaida Langlaba Nungsha gi Mangal na Yeibada, Langtrik-Langlaba Lupa Mapak-Mapak Chaithoktuna Thambagum Ningthiraba Loukolsida, Chingdagi Chentharakpa Chingjum Laijana Loukhongda Thekna-Khoina Chentharakpagi Khonjel na Naitom Taraba Taibang Meeoiba Kanagi Khongul Tadraba Chiklaba Loukol sigi Ningamdaba Mapao Kayana Thallaba Seisak Kaya Tamjabagumle. Amaromda Amuk Meechik-Meeraokhol Tadraba Echik-Chiklaba Loukolse Ngasidi Akibasu Phaohalli.
"Etao, ei youraklehe, thong hango." Asumna Mataobu Koujaraduna Haokhomang Matao gi Lousang Yousillakhi.
Louri da Thamlamliba Yendem, Sougri, Belendri, Karot Asina Chingba Esang Mayamdu Ubada, "Onthoknasu Yamkhreda, Asuk Yambasibu Loina Patpana Hanba Tare Tourise." Asumna Hairaga Thong Adu Haidoklaga Khongkap Ama Hek Kansinbaga, Angangba Eetana Punglup Luplaga Leibak ta Phibam Kaina Taduna Leiriba Matao Loya gi Thawai Yaodraba Hakchangdo Urubada, Masa Pumna Tu Khyao Chungladuna Khangprek Khangna Chongthoklakhi. Thangnaba Mitkupta Wakhal Laktuna Thawai Yaodraba Loya gi Hakchangbu Konkhatchaduna, "Etao Asirane Nangna Eibu Ngairamge Haikhibado" Makhol Eesi Sitharaba Khonjel da Mitki Pee ga Eroinana Tengthajakhi.
Tanja Adumaktada Mee Khara Chensillakpagi Makhol Takhi, Haokhomangna Hangatna Yengkhatlaktuna Lakliba Naha singduda Yengladuna, "Enaosing" Haina Hairamlaga Wahei Makha Amaphaoba Haiba Nanghandana Akibagi Saklontana Pik Thallaba Thangjou Paiba Naha Aduna Mamit Laothoktuna Akiba Khollaoga Loinana Haokhomang gi Makokta Thangjouna Yantharakhi.
Haokhomang Khudakta Leimaida Takhi, Mahakki Makoktagi Kapthorakhiba Angangba Eekheng Laktuda Marup Ani gi Asengba Nungshibagi Wari Adudi Adumak Taibang Kanana Khangbidana Mangkhi.
Kapthorakpa Eekhengna Mamaida Chonglaba Akibatana Thallaba Saktam Puriba Thangjou Paiba Naha Aduna Mathamoi Penna, "Marup sing Eikhoigi Eyamba Loya bu Meenungshi Leitaba Hatlamliba Meehatpa Asisu Hattuna Eina Laman Khumlabani."

Cheilaoba

Mamaangeidi Sajibu Thaa Haibasi Yaamnasu Ingdaba, Yaamnasu Saadaba Khwaidagi Nungaiba Thaa Ama Oirambani, adubu Malem gi Aying-Ashaa gi Khal Kaitharakpasina Lamtaa Loisillakpadagi Houna Sariba Nungshaa si Onthoknasu Yaakhre.

Nasai Nungthil gi Yaaklaba Nungsha gi Meishaa Maraktuda Waana Chek Hollubagi Awaaba Pothanaringei, Chekon Mapuna, Chekonda Thabak Suriba Sinmi Singdugi Cheilaobagini Haiduna Mata Phana Phajaraba Shareng Amamam Yellakpadudadi, Nongmagi Chara Taanjariba Sinmi Singdudi Haraobana Lu-ton Saatkhre. 

"Onthoknasu Mabuk Mapao Phakhredako Eikhoigi Chekon Mapuse", asumna mayamna sonnei, haraonei.

 

Maagi Thunglakliba Shareng Adu Phirol Haplakpa Khao Aduda Hapchillaga Harao Momon Minokka Loinana Mayum Maikei Panglakli, Leima.

Nungthilda Nungsha Phana Sajarasu, Chekondagi Mayum Phaobagi Lambida Leiriba Lamhang Aduda Sitliba Numidangwairam gi Liri Humba Malangbana Hakchangda Yeibada Awaba Pumnamak Kok-hankhi. 

"Mama Eikhoigisu Hayeng Cheilaosiko", Leikai gi Mamanaba Singna Moigidi Hayeng Cheilaogani Mathel-Lukoi Mayam ga Loinana Hainarakpada, Leima gi Macha Atonba Tomba na Mamada Hairakhi.

Macha gi Wahei Aduna Leima gi Thamoida Haingam Toungamdana Makhol Thokna Kapninglakhi, adubu Machagi Matou Aduda, "Ema gi Tomba, keidoubei Cheilaoroidoino, Eikhoigisu Hayeng Soidana Cheilaodoini."

Tasengnamakidi Mapuroiba Leikhidraba Matungdagi Leima, Yamna Wana Macha Anibu Nongmagi Chara Ani Suna Pijaba Ngamnaba Hotnabada Chekonda Thabak Sujaribi Sinmi Amani. Cheilaobagi Mathel Lukoi Langnabagi Pangal Leima da Leijade. Ahoinadum Cheilaoba Numittumadi Chekon Suti Oirani-Khutsumal Phanglaroi, Macha Anibu Matou Karamna Mabuk Thanhangani Khanbada Laimal Oijaribini.

Achouba Wakhal gi Potlum Amaga Loinana Macha Anibu Ayukki Chara Pijaramlaga Chekonda Thabak Suba Lakhibi Leima, Wakhal gi Potlumna Lumankhibana Machi Machi Ungdunata Leikhi.

Nasai Waigi Leiramba Potlum Khudingmak Khajik Kokcharaduna, Magi Khao Aduda Hangdok-Hangdoktuna Yengjaraga Maithong Momon Noktuna Asum Lakpana Mayum Yourakhi.

"Thoibi, Ema Lak-a, Emana Puraklisse Keino Yenglo Laone, Nachin-Noupa Anibu"

Mamagi Khonjel Tabada Ei Hana Yengni-Ei Hana Yengni Haiduna Inna-Innaduna Animak Chenthorak-e.

"Ehe! Tounanu Haimi Noi Anibu, Sokna-Laknaba Tarene. Se Se Emana Hayeng Cheilaobagi Achouba Sareng Ama Leiraklabani, Yengose."

"Mama Sigise Eikhoigiro?" Chaoraba Shareng Adu Ubada Haraobana Thumhatlaba Thoibi na Hanglakhi.

"Mane Eikhoigine Hayeng Cheilaobagi Emana Leirakline" Macha gi Haraobadu Ubada Penjaraduna Leimana Khumlakhi.

"Mama, Eikhoigi Nga Thongdoiro Hayeng." Mama gi Matambakta Changsillaklaga Tombana Hanglakladuna Mama gi Phurit Takhutuna Mamagi Khomlang Thakchakhi.

Macha Tombagi Makok Nanthabiraduna, Epang Pangjaba Wahang Aduda Momon Noktuna, "Hayengdi Mama na Sharengsi Haona Thonglaga Eikhoi gi Cheilaodoine."

Mama Hallaklabaduda Thoibi Masung-Mamanabi Mayam Sanaba Yaorunaba Chatkhi.

"Thoibi! Noi Nama Yumda Leihoubara?" Thobi na Mayum dagi Thokhibaduda 

Thonggan da Thengnaba Leikai gi Mane Abesana na Hanglakhi.

"Aw! Leihoubane Ene" Asumna Khumlamlaga Mamanabi Sing Leikai gi Lampakta Sanabadu Yaorunaba Chenkhi.

"Leima! Nahan Cheilaoba Nangnaba Pige Haiba Senphamdo Pirak-o." Thongandagi Changlak-Changlakna Leima Ubaga Khara Kallap Hairakhi, Abesana na.

Abesana gi matou aduda Macha gi Khomlang Illamba Leima, Maphurit Chingthaduna Yamna Sonthana "Eche Waroubinu Nanao se Kari Hairagadaba Khangdre".

"Ngasidi Nangna Nakhon gado Sonthasanabana Kanaroi, Nanggi Nupa gi Phiroi Sonaba Peisa Khitta Puge Haibaduda Lupa Lising Tara Loukhibadi Tha Kaya Phare Ha? Sendoi su Nongmata Pirakte? Ngasidi Yaroi Sendoi Pigera Natraga Selep Pigera Ataabi Ama Ngangnadaba Sukya Yaroi."

Makhut-Masha Thin Thnduna Mamit Mana Langkhatlaga Tourakliba Mawong Aduna Leima Haipham Toupham Khangkhidre, "Eche, Ngaibibagi Ngaibiba, Matam Khajiktaga ....."

"Yaroiye, Ngasidi Nanggi Leijadabanaga Yaroi. Hayeng Cheilaoba gi Nga Chak Leigadaba Yam Lei Nanggi Peisadu aduna Leidouriba, Khangedana."

"Eche, Phida Somda Amukta Lengsinbikho, Nanao na Haibase Amukta Tabiyu Keidouge." Mangol Kachinda Leiriba Phida Adu Piraga Leima na Hairakhi. Phida Adu Louthorakpada Phida Marum da Leiriba Phajaraba Shareng Adu Abesana na Ukhi.

"Emai-Pema! Emai-Pema! Kaya da Ngamliba Nupino Yengunese, Meegi Peisa Singdokedi Haidradana, Mama-Macha Shareng ga Thonglaga Ahao-Ahaoba Cha Leiramemi" Mathabak Yei-Yeiduna Abesana na Hairakhi.

"Eche, Chekon Mapu na Cheilaobagini Haiduna Pirakpani"

"He Toungambi! Chekon Mapu duga Nangga Kari Mari Leinabeinonehe" Yamna Karemnaba Amaga Loinana Hairakhi.

"Eche, Angang Mamangsida Adumnadi Haibiganu"

"Kari Haidaba, Nangna Chatpa Lamchatpu, Leikaise Loina Khangnarabani, Emit se Nabana Loirabani."

Wapham asi tabada Leima Khangba Ngambagi Pangal Leikhidre, Tonjabi-Sonjabi Mapokta Poklubana Mitki Pirang Sinthana, Kha Chikna Khangjaba Nattana Karidi Touba Ngamlugani.

"Tou Ngambi Chinthibi, Se! Se! Shareng se ei Pure, Hayenggi Nga Chakka Amata Leidribani. Ngasi Tarani gi Manungda Sendoi Awatpado Louba Lakani, Matamdudadi ei phatte hainuko."

"Eche, Madutadi Pubikhino, Pikliba Echa Anisigi Haraojabadutadi Manghanbigano?" Thamoi Sokna Tengthajaba Khonjel da Leima na Hairakhi.

"Kari! Nanggi Nacha da Nacha ro Eigisu Echa singdo Pijanabani Purise." Asumna Shareng Adu Puraga Abesana Thongal Lom da Chatkhi.

"Mama, eikhoi gi Nga Pugri Keigino?" Thoiba na Mama gi phiji Chingladuna Hanglakhi.

Sanaba Loiraduna Hallakhiba Thoibi nasu Abesana na Shareng Adu  Puraga Chakhibaduda, Yum da Prap-Prap Chensillaklaga, "Mama, Ene Abesana na Eikhoi gi Shareng Pukhrise Keigino?"

Macha Anigi Wahanggi Paokhum Leijadrabi Leima, Kanada Tainaruni Khangjadana, Macha Anibu Chetna Konjaduna Makhol Thokna Tengthajakhi.

                                                                ===== Loiraba =====

Mapu gi Khudol Nungshiba (Anisuba)

Ngasigi Meerolna Nungshibabu Sannapot Amagum Khannarakpa Asina Nongma Nongmagi Taheidaba-Uheidaba Laibak Thiraba Thoudok Wathok Kaya Thokli. Nungshibadi Tengpanba Mapu Mahakna Pibiba Khwaidagi Athoiba Khudol ni. Amuksu Hangba Yai Madudi Mapu Mahakki Khudol Oiriba Nungshibana Matou Karamna Awa Ana Kaya Ashibu Purakliba? Tasengbadi Nungshibagi Chap Chaba Matik Mayai Khangdaba Meeoisingna Nungshibagi Mingda Chathariba Aranba Kaya Asina Awa Ana Khudingmaksi Purakpani.
Hiram Asida Inkhatlakliba Amadi Meeyai Challaba Khangdaba Yadraba Wapham Ama Hairagadi NUPA NUPI ANIGI MARAKTA PHAONARIBA APAAM NUBGSHI GI EENOT asini.
Heeram Asida Tengpanba Mapu Lainingthou Mahakki Chingu Mapao Amatang Taibang Pumbada Tharamlage-
"He Namu Taibang-o, Taibang Kumhei Chaokhatnaba Napuroi Eina Tharamlage Nupa-Nupi Phamtinnaba gi Mari Asidi Napuroi Eigi Mingkheida Sari Wasak Challaba Saabi-Saanou Anidu Khakki, Taibang Khunchao-Leichaonaba, Saabi-Saanou Anigi Nungshi Parei Chetnaba, Saabi-Saanou Anigi Thawai-Hakchang Sinanaba Thabane. Napuroi Eigi Yathang Wangmada Atoppa Taibang Kanagi Phamda Lalluraba Natraga Napuroi Eigi Mingkheida Sari Wasak Chandriba Nupi Nupi Phamdinaruraba Natraga Nupaga-Nupaga, Nupiga-Nupi ga Phamdinarurabadi Napuroi Eigi Cheibi-Cheitheng Ahakpa Phangganido Taibang-o"
Matou Asumna Nupa Amana Atoppa Kanagi Nupi ga Natraga Nupi Amana Atoppa Kanagi Nupa ga Aronba Mari Thamnaba Amadi Luhongdriba Pakhang Amaga Leishabi Amaga Aronba Mari Thamnarabadi Makhoi Amata Tengpanba Mapu Mahakki Chingu Cheibi-Cheitheng Phangdana Tokhidri. Machana Mapa Hatpa, Mapana Macha Hatpa, Mapana Macha Nupibu Namja Namthekpiba, Mamana Macha Hatpa, Machana Mama Hatpa, Machil Manao Hatnaba, Asigumba Singsidagi Hendoklaga Naosatpada Ngairiba Pikliba Nawa Kayabu Hattoklaga Langthoklamba, Pakhang-Leishabi Kaya Mapham Marang Khangdana Punshi Pikhamnakhiba Asinachingba Tabada Tu Chunglaba Thoudok-Wathok Kayana Thalla aba Malem Ama Oirakli.
Maram Aduna He Meeoiba Ngaihakki Hakchanggi Apenbani Khalliba Nahakki Meekup Amagi Nungaibaduna Nahakki Punshibu Awabagi Loinaidraba Kom Aduda Puthajaganu. Karigumba Mamangthangda Soikhiba Yaorabasu Thamoida Amakpa Amata Leitana Mapu Magi Khuyakhada Ngakpinaba Changjaro, NGAKPIHEIBA LAININGTHOUNI - CHANBIHEIBA MAPUNI.

HAYUM SHIDABA

Cheitheng

"Mama..., Mama... ei chak yam lamme."
Musi-Musiba Thaomei Mangalda Uboi-Udaboi Phanek Lollibi Mamabu Kouduna Thoibi na Nahe-Khonjel da Taplapna Hairak-e.
'He Taibang Sembiba Mapu! Kari Changyengno Tollabi Nanaida, Nanaigi Karamba Eeralgi Cheirakno'
Hingli Haibatamak Ngairabi, Laiyong Khangdaba Anabana Maram Oiduna Matam Kayagi Mamangdagi Phamungdagi Hendokpa N
gamlaktrabi Machabu Nongmagi Chara Ani Suna Pijaba Ngamjadrabada Thamoida Kapchabani Leima na, Taibang Mapubu Koujaduna.
Machana Chak Lamme Hairaklabada, Ningamda Potlumna Nanthakhiduna Leppa Leitana Chentharakliba, Mitlu Pirangbu Teithokladuna, "Ema gi Thoi, Nongandourese Nong Hek Nganbaga Mama Dukandagi Cheng Walluragese, Aduga Haona Thonglaga Chathoksi"
Nungshirabi Piklibi Machagi Laibakta Nanthabiduna, Macha gi Taiphet Taraba, Kuchu Maksillaba Maithongbu Yengjaduna Mitluda Piranggi Eeradi Chen, Machagi Mamangda Kapthokluba Yadana Wana Khangjaba Matouni.
"Mama Eikhoigi Cheng Leitrabo?" Nahe Khonjelda Thoibi na Mamada Ningthina Yengbadi Ngamjada Uirum-Uirum Yengladuna Hairakhi.
"Emagi Ebemma Mama bu Kei Hairasige Thoibi", Machagi Wahangduda Phathaba Ngamhoudana Leima Makhol Thokna Tengtha Khonjelda Macha gi Mamaida Nalladuna Hairakhi.
HE NONGDAMBA, KANAGI KARAMBA MARAL GI CHEIRAKNO NANGNA PIBIRIBA NOUJARIBI MAMA MACHA ANIGI MAPHAMDA, TOLLIDAKO HE LAIRABA KALLABA NAHAKKI CHEITHENGNA OTPIRARE TOLLABI MAMA MACHA ANIBU.

- Lei Ro Mee

Lairabagi Marup Asengba Marupti Mitlu Pirang Khaktani

Mapu gi Khudol Nungshiba?

Taibang Malem Leikol Asida Khunda-Leitaduna Leiminariba Meeoiba Kouba Eikhoi Khudingmakna Khwaidagi Pamjaba Amadi Khoidajaba, Matam Pumnamakta Thidunata Leiba Potsak Hairagadi NUNGSHIBA Haibasini. Laining Kayagi Lairiksingda Nungshibabu Asumna Haibirami,
"Nungshibadi Akhang Kanbani Amadi Thoujal Leibani, Nungshibada Kallak-Khambanba Amadi Chathokpa Leite, Nungshibana Eina Mahele Khande, Atoppa Singbu Tathi-Tawoinasu Toude. Nungshibana Phattabada Thabakta Keidoungeida Haraode, Adubu Achumbada Thoidok Hendokna Apenba Pokchei. Nungshibana Khudingmakpu Konsinbi, Khudingmakpu Thajei Amadi Nungshibana Awa-Ana Khudingmakpu Khangba Ngambagi Panggal Haappi. Nungshibadi Loiba Naide, Maichou Singgi Chingu Mapao Kaya Loikhigani, Eikhoina Heijaramba Mahei Kayasu Mangkhigani Adubu Chingjaogum Lengdana Leihougani Nungshibadi.
Meeoiba Eikhoigi Chiraba Tanpham Kayada Thajaba, Ningjaba Amadi Nungshiba Khaktani Eikhoiga Lengdana Leihouba. Ahumsigi Marakta Khwaidagi Athoibadi Nungshibani."
Asumna Aranba-Amakpa Amata Yaodaba Taibang Sembiba Mapu Mahakki Athoiba Khudol Nungshiba Haibasibu Meeoiba Eikhoina Mangthokpiri.
Nungshibagidamak Nungshiba Amana Kanagumba/Kanagumbi Amagi Nungshibabu Manghalli- Lamgidamak Yumlonnaba Masel Yeknahalli, Machil-Manao Thang Painahalli, Phurup Amaga-Phurup Amagagi Marakta Yeknanabagi Maru Oihalli, Saktigidamak Leibak Amaga Leibak Amagagi Marakta Yeknabagi Maru Hulhalli.
Malem Leisemngeida Tengpanba Mapu Mahakki Nungshibana Oikhiba Meeoiba Eikhoina Ngasidi Senglaba Mapu Mahakki Athoiba Khudol Asibu Yeknabagi Maru Onthokpirare, Masimakna Meeoiba Eikhoina Kijana-Nungshina Ningjariba Mapu Mahakna Penbiramgadara?

Achumba Liklam

Taibang Malem Leikol Asida Mapu Magi Kanglam Tung-inna Pokngamdraba Meeoipok Oina Poklaba Meeoiba Eikhoina Malem Sinba Thungna Chattuna Mapu Magi Liklambu Thijari, Mapu Magi Mingkheibu Sonjari. Mapham Khuding Koidunasu, Laiphamlen Khuding Thungludunasu Pukningda Ingthaba Haibadumadi Ayambana Phangba Ngamnade. Param Lallaba Meeoisingna Adugumba Ingthaba-Tapthabatana Thallaba Nungairaba Punshi Adu Phangdabani.
He Meeoiba, Taibang Mapuna Thabiba Chingu Mapao Amatang Yaibi Khuding Younanaba Paodamlagedo Ngasidi-
Taibang Mapu Mahakti Namu Kanadasu Sadongdiye, Meeoiba Eikhoigi Khutsem Oiriba Khutna Saba Meetam Amatadasu Kaidongdiye, Thawai Panba Lengli-Palliba Potsak Amatagi Mawong Matou Loudunasu Saphongdiye. 
Mapu Magi Asengba Yaibirel ne, Yaibirel Mahakti Macha Manai Singgi Marakta Koipai-Paiduna Taibang Khumhei Yengduna Leibane. 
Namu Taibang Khudingmakki Thamoi Laiyumda Asengba Yaibirel Mahakna Matam Pumnamakta Ngabiye. Adugumba Mangal Adubu "Nungshiba" Koubane.
Nungshibanabu Leiraba Kallakpasu Leiroiye, Meehoubasu Leiroiye, Athibasu Leiroiye, Khambanbasu Leiroiye, Yengthibasu Leiroiye. Nungshibanabu Lengdraba Thamoi Ingthaba Phangbane, Wakhalsu Aphaba Khanbane, Tingchang-Laichang Leitabane, Awa Ana Leiroiye, Nungai Yaibi Marang Kaiganiye.
Laiphamlen Amatada Chatludrabasu, Koina Chattuna Mapu Mabu Thirudrabasu, Namu Taibang Eikhoigi Thamoi Laiyumda Matam Pumnamakta Mutpa Naidana Ngalliba Mapu Magi Lengdraba Khudol Nungshiba Kouba Mangal Ado Taibang Khudingda Sandoklasi. Mapu Mana Thabiba Malem Leikol Asibu Ingtha-Tapthaba Mapham Ama Oihallase.

- Lei Ro Mee

NAPAL KABA amadi NOLLUKPA

Punshigi tangkak amada "NAPAL KABA" haiba mahakna eibu pubikhi tamthiraba awaba amadi ekaibagi loknung amada. Loknung adudagi thoklaknaba hotnabada matam kaya mangkhi, leijaramba, heijaramba eigi mahei amadi heija singjaba kayasu mangkhi.
Madumakna eina khangjakhi, "NOLLUKPA" haibasina khudingmaktagi athoibani. Nollukpa yaodraba mahak adudi awabagi loknung taba lambi aduda chatliba meeoini.

Adungei Malem Leisemngei gi matangni, Atinga Kullu Shidaba na Mapaari Anida Nongkhong Koirunaba Thoudarabada, Mapaari Ahal Oiriba Lainingthou Sanamahi na Samma Panggal Kanba Mahakni Matagum Mapabung Ibongogi Thoujal Phangjarabada, Pamba Keirel Tongduna Nongkhong Koirunaba Khongsaankhi. Manao Ibungo Eputhou Nongda Lailel Pangkhangbadi Pangal Sarep Phadri Khan, Pallem Oibi Leimarembi Makada Nollukna Changjaduna Palem gi Paotak Loujaduna, Palem Magi Thousil na Taibang Mapu Oiba Phangjakhi.

Matou asumna "NAPAL KABA" haibasina meeoiba eikhoina phanggadaba khudongchaba amadi eikhoigi toujamal kaya arembada tahalli. Adubu "NOLLUKPA" haibasinadi eikhoibu punshigi lambida yaiphaba amadi harao-nungaiba kaya puduna lak-e.

-Lei Ro Mee