-Leishangthem Roshan Meetei
Mayek sengna ningthiraba, engaa thaagi nong haangkhibagi amakpa amata
leitana pukning enou nouthokhanli, liri humba malangna heipaal leipaal da
yeibada makhol thokna nungsiraba seisak tamlari phajaraba jagoiga loinana. Inglaba
maalanggi sahumda choijainana taariba samlaangda humbada maithong tangkhai
lotlibi Mosophi karigabu chaangdamnarugani, chaangdamningai leitana ningthire.
Ningthiraba matoubu yengjaduna manaakta
phamliba Lamngaanba na mollaba Mosophi gi samlaangbu haigatuna hairak-e -
'Nungsibi nangse kayada ingna phajakhraba, nangna eibu ngaohallare. Khangde eigi punsise nangna mikap thokhanbibaga chap manare.'
'Nungsibi nangse kayada ingna phajakhraba, nangna eibu ngaohallare. Khangde eigi punsise nangna mikap thokhanbibaga chap manare.'
'Oidaba ngaang ganuda Dada, asuk thibi eibu karigi aduk yamna thaagatpra?'
Lamngaanba paokhum amata pidana Mosophigi tampaakta hiptharaktuna magi maithongbu yengduna leijakhi.
Tasengnamak Mosophi phajabada lam youbini, ake amousu yamna pamjei.
Mosophi na momon minokka loinana hairak-e
'Dada karigira aduk munna yengbadi, eise amukta udribara?'
'Nungsibi nangse yengbagi penba naide, nahaakki saktamse yengdunata leininge.'
Ekairap touna Mosophi na Lamngaanba gi mamaibu magi tanourabi makhutuna inthoktuna hairak-e,
'Dada taningteda, eidagi henna phajabi mayam leibane. Nachin thiganu eingondagi henna phajabi ooraga eibu kaokhini khange.'
Lamngaanbana Mosophi gi makhut adu pairaga maagi mathabakta thamduna hairak-e
'Yengo Mosophi eigi thamoida hulliba mihul ase nangbu nungsibagi mihul ni, nahakna karigumba enaakta leibidrabadi eigi thamoigi mihulsu lepkhigani.'
Asi hairaga Mosophi gi makhuta nungsina chuppi, aduga Mosophi gi makok adu Lamngaanbagi makhut na chingtharaga Mosophi gi laibakta nungsina chuppi.
Mosophi mong hadaba minok aduna mahousa lairembi mahaksu ekaikhibana, maalang masu lepkhre, heipaal leipaal singsu seisak tamkhidre, jagoi sakhidre.
'Dada eibu yam nungsibrane?'
'Hoi yam nungsi nangmuk nungsiba sangsar da leitiye.'
'Ado Dada se hanna atoppa nupi ga nungsinakhrabara?'
Lamngaanba nokphet tourakhi, mamitta Worinyo urakhi adubu kaokhrabi mahakpudi lotlage khankhibana khumlakhi
'Kadaidei nupi noda, nangna eigidi ahanbane nungsibi.'
'Thajadeda, Dada se nupi yam koiramgadaba malli, wa ngangba yamna hei.'
'Eidi eina nangbu kayam nungsibage haibadu naphamda
utpa khaktane, sidi wa ngangba heiba natiye.'
Khanghoudana lakhi nonggi mapei nong taba hourakpa aduda Mosophi na Lamngaanbada hougatnaba hai Lamngaanbana hougatpagi mahut Mosophi bu khudang paiduna manakta chingsilli, maagi chenglaba khwangda oi thangba makhut chetna konsilli aduga yet thangba khut aduna tanouraba Mosophi gi maithongda nungsina nanduna hanglakhi-
'Nang eibu nungsibra?'
Ekairap touna taniklaba khonjelga loinana Lamngaanba gi luraba mamitpu yengjaduna khumlakhi Mosophi-
'Dada na eigi pumnamakne'
Paokhum asi khumlamlaga Mosophi Ekaibaga loinana Lamngaanbabu inthoklamlaga chenkhi manak nakpa ukha amada. Tuduna leihouraba Lamngaanba, thamoi mayol chonglakle leiraang maagi nungsi leihi khoiraanglakle, mathum marang hourakle. Chensillakhi Mosophi tamna aduga Mosophibu chetna konjei matagi oirabani khanduna. Mosophi su pukning maka lamlakle, apaam nungsi yaansillakle, chetna konjei Lamngaanba bu.Anigi thamoi na amata oiringei, apaam nungsi khudol tamnaringei, churiba nong mahaksu taptharakhi makhoigi nungsi waribu tajage khan, inglaba malang nasu tengbangli anigi nungsi tangkak aduda.Seisak tamludraba heipal leipal kayasu henna mathoi kaduna nungsi seisak tamlakhi.
